Asus ROG Phone 7 | കരുത്തന്മാർ കളത്തിലെത്തി; അസൂസ് ആർഒജി ഫോൺ 7 സീരീസിന്റെ വിൽപ്പന ആരംഭിച്ചു

അസൂസിന്റെ ഗെയിമിങ് ഡിവൈസുകളടങ്ങുന്ന വിഭാഗമായ റിപ്പബ്ലിക് ഓഫ് ഗെയിമേഴ്‌സിൽ (ROG) അടുത്തിടെയാണ് ആർഒജി ഫോൺ 7 സീരീസ് അവതരിപ്പിച്ചത്. അസൂസ് ആർഒജി ഫോൺ 7 (Asus ROG Phone 7), ആർഒജി ഫോൺ 7 അൾട്ടിമേറ്റ് (Asus ROG Phone 7 Ultimate)എന്നീ രണ്ട് സ്മാർട്ട്ഫോണുകളാണ് ഈ സീരീസിലുള്ളത്. അസൂസ് ആർഒജി ഫോൺ 7 സീരീസിന്റെ ഇന്ത്യയിലെ വിൽപ്പന ആരംഭിച്ചിരിക്കുകയാണ്. ആഗോളതലത്തിൽ തന്നെ ഈ പുതിയ ഗെയിമിങ് സ്മാർട്ട്ഫോൺ സീരീസിന്റെ വിൽപ്പനയുടെ ഒന്നാം ഘട്ട വിപണികളിൽ ഒന്നാണ് ഇന്ത്യ.

Asus | വിലയും ലഭ്യതയും

അസൂസ് ആർഒജി ഫോൺ 7 സീരീസ് വിജയ് സെയിൽസിലൂടെയാണ് വിൽപ്പന നടത്തുന്നത്. അസൂസ് ഇന്ത്യ ഇ-സ്റ്റോറിലും അസൂസ് എക്സ്ക്ലൂസീവ് സ്റ്റോറുകളിലും ഈ സ്മാർട്ട്ഫോണുകൾ ലഭ്യമാകും. വിജയ്സെയിൽസിന്റെ ഔട്ട്ലെറ്റുകളിലും പുതിയ ഗെയിമിങ് സ്മാർട്ട്ഫോണുകൾ ലഭ്യമാണ്. 12 ജിബി റാമും 256 ജിബി സ്റ്റോറേജുമുള്ള അസൂസ് ആർഒജി ഫോൺ 7ന് 74,999 രൂപയാണ് വില. ഫാന്റം ബ്ലാക്ക്, സ്റ്റോം വൈറ്റ് എന്നീ രണ്ട് കളർ വേരിയന്റുകളിൽ ഈ സ്മാർട്ട്ഫോൺ ലഭ്യമാകും. ഡ്യൂവൽ-ടോൺ സ്ലാഷ് ഡിസൈനും ആർഒജി ഓറ ആർജിബി ലോഗോയും ഇതിലുണ്ട്.

ആർഒജി ഫോൺ 7 അൾട്ടിമേറ്റ്

അസൂസ് ആർഒജി ഫോൺ 7 അൾട്ടിമേറ്റ് ആണ് ഈ സീരീസിലെ ഏറ്റവും വില കൂടിയ മോഡൽ. ഈ ഡിവൈസിന്റെ 16 ജിബി റാം, 512 ജിബി സ്റ്റോറേജ് വേരിയന്റിന് 99,999 രൂപയാണ് വില. ആർഒജി വിഷൻ PMOLED റിയർ കസ്റ്റമൈസബിൾ ഡിസ്‌പ്ലേയുമായിട്ടാണ് ഈ ഡിവൈസ് വരുന്നത്. ഈ സ്‌മാർട്ട്‌ഫോണിന് എയ്‌റോ ആക്റ്റീവ് പോർട്ടൽ ഡോറും എയ്‌റോ ആക്റ്റീവ് കൂളർ 7നൊപ്പം വേഗത്തിലുള്ള കൂളിങ്ങിനായി കോപ്പർ ഹീറ്റ്‌സിങ്ക് ഫാനുകളും നൽകിയിട്ടുണ്ട്.

ഡിസ്പ്ലെയും പ്രോസസറും

അസൂസ് ആർഒജി ഫോൺ 7 സീരീസിലെ രണ്ട് മോഡലുകളിലും 165Hz റിഫ്രഷ് റേറ്റുള്ള 6.78-ഇഞ്ച് AMOLED HDR10+ ഡിസ്‌പ്ലേയാണുള്ളത്. ഈ ഡിസ്പ്ലെയ്ക്ക് 720Hz വരെ ടച്ച് സാംപ്ലിങ് റേറ്റും 23ms ടച്ച് ലേറ്റൻസിയുമുണ്ട്. 1500 നിറ്റ്സ് വരെ ബ്രൈറ്റ്നസുള്ള ഡിസ്പ്ലെയാണിത്. ഗെയിംകൂൾ 7 കൂളിങ് സിസ്റ്റവുമായി വരുന്ന സ്മാർട്ട്ഫോണുകൾക്ക് കരുത്ത് നൽകുന്നത് പുതിയ ക്വാൽകോം സ്‌നാപ്ഡ്രാഗൺ 8 ജെൻ 2 മൊബൈൽ പ്ലാറ്റ്‌ഫോമാണ്.

ഓഡിയോ

അസൂസ് ആർഒജി ഫോൺ 7 സീരിസ് സ്മാർട്ട്‌ഫോണുകൾ എയർ ട്രിഗർ അൾട്രാസോണിക് ട്രിഗർ ബട്ടണുകളും ഗെയിം കൺട്രോളിനായി 10 മോഷൻ കൺട്രോൾ ജെസ്റ്ററുകളും സപ്പോർട്ട് ചെയ്യുകയും കൺസോളിന് സമാനമായ ഗെയിമിങ് എക്സ്പീരിയൻസ് നൽകുകയും ചെയ്യുന്നു. സ്റ്റീരിയോ സ്പേഷ്യൽ ഇമ്മർഷനുവേണ്ടി ഡിറാക് ഓഡിയോയും ഡിറാക് വിർച്വോയുമുള്ള 7 മാഗ്നറ്റ് സിമെട്രിക്കൽ സ്റ്റീരിയോ ലൗഡ്‌സ്പീക്കറുകളും ഈ ഡിവൈസിലുണ്ട്. 3.5 എംഎം ഹെഡ്‌ഫോൺ ജാക്ക് സപ്പോർട്ടുള്ള ഫോണിൽ 2.1 ഓഡിയോയ്ക്കുള്ള സബ്-വൂഫർ ഘടിപ്പിച്ചിട്ടുണ്ട്. ഇത് 77 ശതമാനം വരെ കൂടുതൽ ബാസ് നൽകുന്നു.

ക്യാമറ

അസൂസ് ആർഒജി ഫോൺ 7 അൾട്ടിമേറ്റ് വേരിയന്റിന്റെ എയ്‌റോ ആക്റ്റീവ് കൂളർ 7 സബ്‌വൂഫറായി കൂടി പ്രവർത്തിക്കുന്നു. ഇതിലൂടെ സ്‌മാർട്ട്‌ഫോണിൽ കൂടുതൽ മികച്ച പോർട്ടബിൾ 2.1 ഓഡിയോ നൽകുന്നു. 50 എംപി സോണി ഐഎംഎക്‌സ് 766 ഫ്ലാഗ്‌ഷിപ്പ് പിൻക്യാമറയുമായി വരുന്ന ഫോണുകൾ ലോ-ലൈറ്റ് പെർഫോമൻസ്, 8കെ റെക്കോർഡിംഗ്, ഇഐഎസ്, എച്ച്‌ഡിആർ10 വീഡിയോകൾ സപ്പോർട്ട് ചെയ്യുന്നു. 32 എംപി ഫ്രണ്ട് ക്യാമറയും 4കെ സപ്പോർട്ട് ചെയ്യുന്നു.

ബാറ്ററി

65W വരെ ഹൈപ്പർ ചാർജ്ജ് സപ്പോർട്ടാണ് അസൂസ് ആർഒജി ഫോൺ 7 സീരീസിലുള്ളത്. ചൂട് കുറച്ച് വേഗത്തിൽ ചാർജ് ചെയ്യാൻ ഈ സ്മാർട്ട്ഫോണുകൾക്ക് 6000mAh സ്പ്ലിറ്റ് ബാറ്ററി ഡിസൈനും നൽകിയിട്ടുണ്ട്. രണ്ട് സ്മാർട്ട്‌ഫോണുകളും വൈഫൈ 7 റെഡിയാണ്. ഏറ്റവും പുതിയ വൈഫൈ 7 വരെയുള്ള 320 MHz ചാനലുകളും മൾട്ടി-ലിങ്ക് ഓപ്പറേഷനും ഇതിലുണ്ട്. അതുകൊണ്ട് തന്നെ ഉപയോക്താക്കൾക്ക് ഒരേ സമയം വ്യത്യസ്ത ഫ്രീക്വൻസി ബാൻഡുകളിലേക്ക് കണക്റ്റുചെയ്യാനാകും.

അസൂസ് റോഗ് ഫോൺ 7 അൾട്ടിമേറ്റ് സ്പെസിഫിക്കേഷനുകള്‍