Vivo Smartphone 2023 | രണ്ട് സ്മാർട്ട്ഫോണുകളുടെ വില വെട്ടിക്കുറച്ച് വിവോ, ഇനി പുതുക്കിയ വിലയിൽ സ്വന്തമാക്കാം

വിവോ (Vivo Smartphone) രണ്ട് വൈ സീരീസ് ഫോണുകളുടെ വില കുറച്ചു. വിവോ വൈ16, വിവോ വൈ02ടി എന്നീ സ്മാർട്ട്ഫോണുകളുടെ വിലയാണ് കമ്പനി കുറച്ചിരിക്കുന്നത്. 500 രൂപ വിതമാണ് ഈ രണ്ട് ഫോണുകൾക്കും കുറച്ചിരിക്കുന്നത്. ഈ വിലക്കുറവോടെ വിവോ വൈ16, വിവോ വൈ02ടി സ്മാർട്ട്ഫോണുകൾ കുറഞ്ഞ വിലയുള്ള സെഗ്മെന്റിലേക്ക് മാറിയിരിക്കുകയാണ്. ഏതാണ്ട് സമാനമായ സവിശേഷതകളുമായിട്ടാണ് ഈ രണ്ട് വൈ സീരീസ് സ്മാർട്ട്ഫോണുകളും വരുന്നത്.

Vivo Smartphone | വിവോ സ്മാർട്ട്ഫോണുകൾ

വിവോ വൈ16, വിവോ വൈ02ടി സ്മാർട്ട്ഫോണുകൾ മീഡിയടെക് ഹെലിയോ പി35 എസ്ഒസിയിലാണ് പ്രവർത്തിക്കുന്നത്. 10W ചാർജിങ് സപ്പോട്ടുള്ള 5,000mAh ബാറ്ററിയും ഈ ഫോണുകളിലുണ്ട്. വിവോ വൈ16 സ്മാർട്ട്ഫോണിൽ 13 മെഗാപിക്സൽ ഡ്യുവൽ റിയർ ക്യാമറ സെറ്റപ്പാണുള്ളത്. വിവോ വൈ02ടി സ്മാർട്ട്ഫോണിൽ 8 മെഗാപിക്സൽ പിൻ ക്യാമറയാണ് കമ്പനി നൽകിയിട്ടുള്ളത്. വിവോ വൈ16, വിവോ വൈ02ടി സ്മാർട്ട്ഫോണുകളുടെ പുതുക്കിയ വില നോക്കാം.

വിവോ വൈ16

വിവോ വൈ 16, വിവോ വൈ02ടി സ്മാർട്ട്‌ഫോണുകൾക്ക് വില കുറച്ചിരിക്കുന്ന കാര്യം എക്‌സ് വഴിയാണ് കമ്പനി പ്രഖ്യാപിച്ചത്. വിവോ വൈ16 സ്മാർട്ട്ഫോണിന്റെ ബേസ് വേരിയന്റിൽ 4 ജിബി റാമും 64 ജിബി സ്റ്റോറേജുമാണുള്ളത്. ഈ വേരിയ്റിന് നേരത്തെ 10,999 രൂപയായിരുന്നു വില. 500 രൂപ കിഴിവ് ലഭിച്ചതോടെ വേരിയന്റിന്റെ വില 10,499 രൂപയായി കുറഞ്ഞു. ഫോണിന്റെ 4 ജിബി റാമും 128 ജിബി സ്റ്റോറേജുമുള്ള മോഡലിന് നേരത്തെ 12,499 രൂപയായിരുന്നു വില. ഇപ്പോൾ ഈ വേരിയന്റ് 11,999 രൂപയ്ക്ക് സ്വന്തമാക്കാം.

വിവോ വൈ02ടി

വിവോ വൈ02ടി സ്മാർട്ട്ഫോൺ ഒരു വേരിയന്റിൽ മാത്രമാണ് ലഭ്യമാകുന്നത്. 4 ജിബി റാമും 64 ജിബി സ്റ്റോറേജുമുള്ള ഈ ഡിവൈസിന് നേരത്തെ 9,499 രൂപയായിരുന്നു വില. ഇപ്പോൾ ഈ ഡിവൈസ് നിങ്ങൾക്ക് 8,999. രൂപയ്ക്ക് സ്വന്തമാക്കാം. 500 രൂപ കിഴിവ് തന്നെയാണ് ഈ ഡിവൈസിനും ലഭിച്ചിരിക്കുന്നത്. തിരഞ്ഞെടുത്ത ബാങ്ക് കാർഡുകളിൽ വിവോ നോ-കോസ്റ്റ് ഇഎംഐ ഓപ്‌ഷനുകൾ നൽകുന്നുണ്ട്. വിവോയുടെ ഓൺലൈൻ സ്റ്റോർ, ഫ്ലിപ്പ്കാർട്ട്, ആമസോൺ എന്നിവയിൽ ഈ ഫോണുകൾ പുതുക്കിയ വിലകളിൽ ലഭിക്കും.

സവിശേഷതകൾ

ക്യാമറകളിലെ വ്യത്യാസം ഒഴികെ വിവോ വൈ16, വിവോ വൈ02ടി സ്മാർട്ട്ഫോണുകൾ തമ്മിൽ കാര്യമായ വ്യത്യാസങ്ങളൊന്നും ഇല്ല. 6.51 ഇഞ്ച് എച്ച്ഡി+ (720 x 1,600 പിക്സൽ) ഡിസ്പ്ലേയാണ് ഈ രണ്ട് ഡിവൈസുകളിലുമുള്ളത്. ഡിസ്‌പ്ലേയിൽ സെൽഫി ക്യാമറ സ്ഥാപിക്കാനായി മുകളിൽ മധ്യഭാഗത്തായി വാട്ടർ ഡ്രോപ്പ്-സ്റ്റൈൽ നോച്ചും നൽകിയിട്ടുണ്ട്. 4 ജിബി വരെ റാമും 64 ജിബി ഓൺബോർഡ് സ്റ്റോറേജുമുള്ള ഫോണുകൾക്ക് കരുത്ത് നൽകുന്നത് മീഡിയടെക് ഹീലിയോ പി 35 എസ്ഒസിയാണ്.