‘തൂക്കി അടിച്ചിട്ടെന്ന് പോയി സൊല്ല്’; തമിഴ് സിനിമാ റെക്കോർഡുകൾ തിരുത്തിക്കുറിച്ച് ‘ലിയോ’ 2023
രജനികാന്തിന്റെ ജെയ്‌ലറിന്റെയും റെക്കോർഡ് ഭേദിച്ച് കൊണ്ടുള്ള പ്രകടനമായിരുന്നു ആദ്യ ദിവസം തന്നെ വിജയ്-ലോകേഷ് കനഗരാജ് ചിത്രം ലിയോ നേടിയത്. എന്നാൽ രണ്ടാം ദിവസം കടന്നപ്പോൾ പ്രതീക്ഷകൾ തകിടം മറിയുകയായിരുന്നു. പക്ഷേ അത് താത്കാലികം മാത്രമായിരുന്നു.
തമിഴ് സിനിമാ റെക്കോർഡുകൾ തിരുത്തിക്കുറിച്ച് ‘ലിയോ’
പിന്നീടുള്ള ദിവസങ്ങളിൽ ലിയോയുടെ നേട്ടമായിരുന്നു സമൂഹ മാധ്യമങ്ങളിലെ പ്രധാന ചർ‌ച്ച വിഷയം. ഇപ്പോഴിതാ ഈ നേട്ടത്തിൻരെ കളക്ഷൻ റിപ്പേർട്ട് പുറത്തിറക്കിയിരിക്കുകയാണ് സിനിമ പ്രവർത്തകർ.
നിർമാതാക്കളായ സെവൻ സ്ക്രീൻ സ്റ്റുഡിയോസ് ഔദ്യോഗിക സോഷ്യൽ മീഡിയാ അക്കൗണ്ടിലൂടെ അറിയിച്ചതാണ് ഇക്കാര്യം. തമിഴ് സിനിമയുടെ ചരിത്രത്തിലെ ഏറ്റവും ഉയർന്ന കളക്ഷൻ സ്വന്തമാക്കുന്ന ചിത്രം എന്ന നേട്ടം ലിയോ സ്വന്തമാക്കി എന്നാണ് ഔദ്യോഗിക വിവരം.
ബാഡാസ് മാ എന്ന ഗാനത്തിലെ വരികൾ കുറിച്ചുകൊണ്ടാണ് സ്വപ്ന നേട്ടത്തേക്കുറിച്ച് നേട്ടത്തേക്കുറിച്ച് നിർമാതാക്കൾ ട്വീറ്റ് ചെയ്തത്. പുതിയ പോസ്റ്ററും ഇതിനൊപ്പം അവർ പുറത്തിറക്കി.
റിലീസ് ചെയ്ത് ആഗോളതലത്തിൽ ഏഴുദിവസം കൊണ്ട് 461 കോടി രൂപയാണ് ചിത്രം നേടിയത്. അഞ്ഞൂറ് കോടി തീയറ്റർ കളക്ഷൻ എന്ന നേട്ടമാണ് ഇനി ലിയോക്ക് മുന്നിലുള്ളത്. ഏഴാം ദിവസം 266 കോടി രൂപയാണ് ലിയോ ഇന്ത്യയിൽ നിന്നുമാത്രം നേടിയത്.
ദളപതി വിജയോടൊപ്പം വമ്പൻ താര നിരയാണ് ലിയോയിൽ ഉള്ളത് . തൃഷ, സഞ്ജയ് ദത്ത്, അർജുൻ സർജ, ഗൗതം മേനോൻ, മിഷ്കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി നിരവധി താരങ്ങളാണ് ചിത്രത്തിൽ അണിനിരക്കുന്നു.
