OnePlus Nord:വൺപ്ലസ് നോർഡ് 3, നോർഡ് സിഇ 3 സ്മാർട്ട്ഫോണുകൾ ജൂലൈ 5ന് ഇന്ത്യയിൽ ലോഞ്ച് ചെയ്യും

ജനപ്രിയ സ്മാർട്ട്ഫോൺ നിർമ്മാതാക്കളായ വൺപ്ലസ് തങ്ങളുടെ അടുത്ത ലോഞ്ച് ഇവന്റിനായുള്ള തയ്യാറെടുപ്പിലാണ്. വൺപ്ലസ് നോർഡ് സമ്മർ ലോഞ്ച് ഇവന്റാണ് ഇനി വരാൻ പോകുന്നത്. ഈ ഇവന്റ് ജൂലൈ 4ന് നടക്കുമെന്ന് കമ്പനി ഔദ്യോഗികമായി അറിയിച്ചിട്ടുണ്ട്. വൺപ്ലസ് നോർഡ് 3 5ജി (OnePlus Nord 3 5G), വൺപ്ലസ് നോർഡ് സിഇ 3 5ജി (OnePlus Nord CE 3 5G), വൺപ്ലസ് നോർഡ് ബഡ്സ് 2ആർ (OnePlus Nord Buds 2r), വൺപ്ലസ് BWZ2 എഎൻസി (OnePlus BWZ2 ANC) എന്നീ ഡിവൈസുകളെല്ലാം ലോഞ്ച് ഇവന്റിൽ വച്ച് അവതരിപ്പിക്കുമെന്നാണ് പ്രതീക്ഷിക്കുന്നത്.

വൺപ്ലസ് നോർഡ് സമ്മർ ലോഞ്ച് ഇവന്റ്

രണ്ട് നോർഡ് ഫോണുകൾ അവതരിപ്പിക്കാൻ പോകുന്നു എന്നതാണ് വൺപ്ലസ് നോർഡ് സമ്മർ ലോഞ്ച് ഇവന്റിന്റെ ഏറ്റവും വലിയ പ്രത്യേകത. ഇവ രണ്ടും രണ്ട് വില വിഭാഗത്തിലേക്കായിട്ടായിരിക്കും അവതരിപ്പിക്കുന്നത്. കാണാൻ ഒരുപോലെ തോന്നുമെങ്കിലും ബിൾഡ് ക്വാളിറ്റിയിൽ അടക്കം വ്യത്യാസങ്ങൾ ഉണ്ടായിരിക്കും. വൺപ്ലസ് നോർഡ് ബഡ്സ് 2ആർ നിലവിൽ വിൽപ്പനയിലുള്ള വൺപ്ലസ് നോർഡ് ബഡ്സിന്റെ പിൻഗാമിയായി വിപണിയിലെത്തും. വൺപ്ലസ് BWZ2 എഎൻസി എന്നത് കമ്പനിയുടെ പുതിയ നെക്ക്‌ബാൻഡ് ഇയർഫോണാണ്.

OnePlus | വൺപ്ലസ് നോർഡ് 3 5ജി

വൺപ്ലസ് നോർഡ് സമ്മർ ലോഞ്ച് ഇവന്റ് ജൂലൈ 5ന് വൈകുന്നേരം 7.30ന് നടക്കും. വൺപ്ലസ് നോർഡ് 3 5ജി സ്മാർട്ട്ഫോണിൽ ഓഡിയോ മോഡുകൾ, ഫ്ലാറ്റ് ഡിസ്പ്ലേ, ടെംറ്റെസ്റ്റ് ഗ്രേ, മിസ്റ്റി ഗ്രീൻ എന്നീ രണ്ട് കളർ ഓപ്ഷനുകൾ എന്നിവയെല്ലാമുണ്ട്. അലേർട്ട് സ്ലൈഡർ ഫീച്ചറുമായിട്ടായിരിക്കും ഈ ഡിവൈസ് വരുന്നത്. ഈ ഫോണിന്റെ സവിശേഷതകൾ സംബന്ധിച്ച ലീക്ക് റിപ്പോർട്ടുകൾ ഇതിനകം തന്നെ പുറത്ത് വന്നിട്ടുണ്ട്. 6.74-ഇഞ്ച് ഫുൾ-HD+ AMOLED ഡിസ്‌പ്ലേയും 120Hz റിഫ്രഷ് റേറ്റുമായിട്ടായിരിക്കും ഈ ഫോൺ വരുന്നത്.

ഫോണിന്റെ മറ്റ് സവിശേഷതകൾ

വൺപ്ലസ് നോർഡ് 3 5ജി സ്മാർട്ട്ഫോണിൽ 50 മെഗാപിക്സൽ പ്രൈമറി ക്യാമറ, 8 മെഗാപിക്സൽ അൾട്രാ വൈഡ് ക്യാമറ, 2 മെഗാപിക്സൽ മാക്രോ ക്യാമറ എന്നിവയടങ്ങുന്ന ട്രിപ്പിൾ റിയർ ക്യാമറ സെറ്റപ്പ് ഉണ്ടായിരിക്കും. ആൻഡ്രോയിഡ് 13 ഒഎസ്, 5ജി സപ്പോർട്ട്, ഡൈമൻസിറ്റി 9000 എസ്ഒസി, അണ്ടർ-ഡിസ്‌പ്ലേ ഫിംഗർപ്രിന്റ് സ്‌കാനർ എന്നിവയാണ് ഈ ഡിവൈസിലുള്ള മറ്റ് സവിശേഷതകൾ. രണ്ട് സ്‌റ്റോറേജ് കോൺഫിഗറേഷനുകളിൽ ഈ ഡിവൈസ് ലഭ്യമാകും. 8 ജിബി റാം, 128 ജിബി സ്റ്റോറേജ് ഓപ്ഷന് 32,999 രൂപയും 16 ജിബി റാമും 256 ജിബി സ്റ്റോറേജ് മോഡലിന് 36,999 രൂപയുമായിരിക്കും വില.

വൺപ്ലസ് നോർഡ് സിഇ 3 5ജി

വൺപ്ലസ് നോർഡ് സിഇ 3 5ജി സ്മാർട്ട്ഫോൺ വൺപ്ലസ് നോർഡ് 3യുടെ ടോൺ-ഡൗൺ പതിപ്പായിരിക്കും. ഫോണിൽ അലേർട്ട് സ്ലൈഡർ ഉണ്ടായിരിക്കില്ല. ക്വാൽകോൺ സ്നാപ്ഡ്രാഗൺ 782ജി പ്രോസസർ, 80W വയർഡ് സൂപ്പർവൂക്ക് ഫാസ്റ്റ് ചാർജിങ് സപ്പോർട്ടുള്ള 5,000mAh ബാറ്ററി എന്നിവയെല്ലാം ഈ ഡിവൈസിൽ ഉണ്ടായിരിക്കും. 120Hz റിഫ്രഷ് റേറ്റുള്ള 6.7-ഇഞ്ച് ഫ്ലൂയിഡ് അമോലെഡ് ഡിസ്‌പ്ലേയും ഒഐഎസ് ഉള്ള 50 എംപി IMX890 പ്രൈമറി സെൻസർ എന്നിവയെല്ലാം വൺപ്ലസ് നോർഡ് സിഇ 3 5ജി സ്മാർട്ട്ഫോണിലുണ്ട്.

വൺപ്ലസ് ബഡ്സ് 2ആർ

വൺപ്ലസ് ബഡ്സ് 2ആർ ടിഡബ്ല്യുഎസ് ഇയർബഡ്സ് കറുപ്പും നീലയും നിറങ്ങളിൽ ലഭ്യമാകും. വൺപ്ലസ് നോർഡ് ബഡ്‌സ് കേസിന്റെ ഷാർപ്പ് ആയ എഡ്ജുകളുമായി താരതമ്യപ്പെടുത്തുമ്പോൾ കേസിന് മിനുസമുള്ളതും വൃത്താകൃതിയിലുള്ളതുമായ കർവ്സ് ആണുള്ളത്. ഇത് ആപ്പ് സപ്പോർട്ടും ടച്ച് കൺട്രോൾസും ഉണ്ട്. ഏഴ് മണിക്കൂർ പ്ലേ ടൈമും ഈ ഡിവൈസ് നൽകിയേക്കും. ഈ ഇയർബഡ്സിൽ എഎൻസി ഇല്ലെന്നാണ് സൂചനകൾ. ഇത് വൺപ്ലസ് നോർഡ് ബഡ്സിലും ഇല്ല. 3,000 രൂപയിൽ താഴെയായിരിക്കും വൺപ്ലസ് ബഡ്സ് 2ആറിൽ ഉള്ളത്.

വൺപ്ലസ് നോർഡ് 3 സ്പെസിഫിക്കേഷനുകള്‍