Renor BT PowerCab : കിടിലൻ ബാസ്സ്, പക്ഷെ ഭാരം 10 കിലോ

Renor BT PowerCab: അൺബോക്‌സ് ചെയ്യുമ്പോൾ തന്നെ ഒരു കൂട്ടം എഞ്ചിനിയർമാരുടെയും ഡിസൈനർമാരുടെയും മ്യൂസിഷ്യൻസിന്റെയും കയ്യൊപ്പ് ഈ സ്പീക്കറിൽ തെളിഞ്ഞു കാണാം. “At Renor, sound quality is our highest priority” എന്ന ടാഗ്‌ലൈനുള്ള റെനോറിന്റെ സ്പീക്കർ ഈ പറഞ്ഞതിനോട് നീതി പുലർത്തുന്നുണ്ടോ എന്നറിയേണ്ടേ?

ചിത്രങ്ങളിൽ കാണുന്ന സ്പീക്കറിൽ നിന്നും തീർത്തും വ്യത്യസ്തമാണ് BT പവർക്യാബിന്റെ വലിപ്പം. നല്ല ഭാരമാണ് ഡിവൈസിനുള്ളത്. തുണി കൊണ്ടുള്ള മെഷ് മുതൽ റെനോർ ലോഗോ വരെയുള്ള ഭാഗങ്ങളിൽ പെർഫെക്ഷന് വേണ്ടിയുള്ള ശ്രമങ്ങൾ കാണാം. ഡിസൈനിന്റെ കാര്യത്തിൽ എല്ലാം ഫീച്ചറുകളും ഒരുപോലെ ഉൾക്കൊള്ളുന്ന സ്പീക്കറുകൾ വളരെക്കുറവ് മാത്രമേ നമ്മൾ കാണാറുള്ളൂ. ഇത്തരത്തിലൊന്നാണ് BT പവർക്യാബ്.

Renor BT PowerCab

സ്പീക്കറിന്റെ മുൻഭാഗം ആവരണം ചെയ്തിരിക്കുന്ന തുണി വളരെ കട്ടിയേറിയതും പെട്ടന്ന് ക്ലീൻ ചെയ്യാൻ സാധിക്കുന്നതുമാണ്. പക്ഷെ ഈ ഡിസൈൻ കാരണം അതിനു അടിയിലായുള്ള ഡ്രൈവറുകൾ കാണാനാവില്ല. മെഷ് തുറക്കാനും സാധിക്കില്ല. നല്ല ഡ്യൂട്ടിയുള്ള സാധനങ്ങൾ ഉപയോഗിച്ചാണ് സ്പീക്കർ നിർമ്മിച്ചിരിക്കുന്നത് എന്നാണ് റെനോർ അവകാശപ്പെടുന്നത്. സ്പീക്കർ ഉപയോഗിക്കാൻ തുടങ്ങുമ്പോൾ ഇക്കാര്യം സമ്മതിച്ചുകൊടുക്കാതെ തരമില്ല.

ഡ്രൈവറും, 1-ഇഞ്ചുള്ള ട്വീറ്ററും ഡ്യൂവൽ പോർട്ടുകളും BT പവർ ക്യാബിനുണ്ട്. ഇവയെല്ലാം മെഷിന് പിൻവശത്തായി മുൻവശം അഭിമുഖമായിട്ടാണ് ഇരിക്കുന്നത്.

മാർഷൽ അവരുടെ കിൽബൺ സ്പീക്കറിൽ കൺട്രോളുകൾ സെറ്റ് ചെയ്തിരിക്കുന്ന പോലെ BT പവർ ക്യാബിന്റെ ഏറ്റവും മുകളിലായാണ് കണ്ട്രോൾ ഓപ്‌ഷനുകൾ സെറ്റ് ചെയ്തിരിക്കുന്നത്. ഇതിൽ തന്നെയാണ് ഓൺ/ഓഫ് സ്വിച്ചും വോളിയം നോബുമുള്ളത്. ഇതിനോടൊപ്പം തന്നെ ഒരു ചെറിയ ബ്ലൂടൂത്ത് പെയറിങ് ബട്ടണും ടിവിയോടൊപ്പവും സ്മാർട്ഫോണിനൊപ്പവും കണക്ട് ചെയ്യാൻ സഹായിക്കുന്ന AUX പോർട്ടും കാണാം.

റബ്ബറൈസ് ചെയ്ത നാല് കാലുകളാണ് സ്പീക്കറിന്റെ താഴ്ഭാഗത്തുള്ളത്. ഡാൻസ് സ്റ്റുഡിയോകൾക്കും വീടുകൾക്കുമായി ഫ്ലോർ സ്പീക്കർ എന്ന രീതിയിലാണ് സ്പീക്കറിനെ കമ്പനി പരസ്യങ്ങളിൽ അവതരിപ്പിച്ചിട്ടുള്ളത്. ഒരു ടേബിളിനോ മറ്റോ മുകളിൽ വെച്ച് ഉപയോഗിക്കുന്നതാവും കൂടുതൽ നന്നാവുക.

ബ്ലൂടൂത്ത് സ്പീക്കറാണെങ്കിലും റെനോർ BT പവർ ക്യാബ് പോർട്ടബിളല്ല. ഏതെങ്കിലും പവർ ഔട്ലെറ്റുമായി ബന്ധിപ്പിച്ചാൽ മാത്രമേ സ്പീക്കർ പ്രവർത്തിക്കുകയുള്ളൂ. കാണുന്നത് പോലെത്തന്നെ പെർഫോമൻസിലും സ്പീക്കർ മുൻപിലാണ്. ഏറ്റവും പുതിയ aptx മോഡലുകൾ ഇൻസ്റ്റാൾ ചെയ്ത ആൻഡ്രോയിഡ് ഹാൻഡ്‌സെറ്റാണ് നിങ്ങളുടെ കയ്യിലുള്ളതെങ്കിൽ ഇതിന്റെ എല്ലാ ആനുകൂല്യങ്ങളും ഉപയോഗിക്കാനാവും.

ഓഡിയോ ക്വാളിറ്റി നോക്കുമ്പോൾ BT പവർ ക്യാബ് എല്ലാ പ്രതീക്ഷകൾക്കും മേലെയുള്ള അനുഭമാണ് നൽകുന്നത്. ആവശ്യമായ ഡെപ്തിലുള്ള ശബ്ദം സ്പീക്കറിൽ നിന്നുതന്നെ പുറപ്പെടുന്നത്കൊണ്ട് സ്പീക്കറിന് പുറമെ വേറെ നോബുകളോ മറ്റോ ഒന്നും ഉപയോഗിക്കേണ്ട കാര്യമില്ല.

36.5Hz മുതൽ 20,000Hz വരെയുള്ള ഫ്രീക്വൻസി റെസ്പോൺസ് റേറ്റ് ആണ് സ്പീക്കറിന്റേത്. നിങ്ങളുടെ കൈ സ്പീക്കറിന് മുൻപിൽ വെയ്ക്കുമ്പോൾത്തന്നെ എത്ര ഉച്ചത്തിലാണ് ശബ്ദം പുറത്തേക്കു വരുന്നതെന്ന് ശരിക്കും മനസിലാക്കാം.

സ്പീക്കറിന്റെ വോളിയം വേറെയാണ് പ്രവർത്തിക്കുന്നത്. അതുകൊണ്ട് തന്നെ നിങ്ങളുടെ ഫോണോ ടിവിയോ സ്പീക്കറിലേക്ക് കണക്ട് ചെയ്തതിനു ശേഷം ഏതെങ്കിലും പാട്ടുകളോ വീഡിയോകളോ പ്ലേ ചെയ്യുമ്പോൾ ഫോണിലെയും ടിവിയിലെയും ശബ്ദം മാക്സിമത്തിലാണെങ്കിലും വോളിയം നോബ് ഉപയോഗിച്ച് വീണ്ടും ശബ്ദം കൂട്ടാൻ കഴിയും.

പത്ത് കിലോയിലേറെയാണ് സ്പീക്കറിന്റെ ഭാരം. ഇത് പലരെയും സ്പീക്കർ വാങ്ങുന്നതിൽ നിന്നും പിന്നോട്ട് വലിക്കാൻ സാധ്യതയുണ്ട്. കൂടാതെ ഇത്രയും ഭാരമുള്ള സ്പീക്കർ പിടിക്കാനായി ഹാൻഡിൽ നൽകിയിട്ടില്ല. പലപ്പോഴും സ്ഥാനം മാറ്റേണ്ടി വരുമ്പോൾ ഉപയോഗിക്കുന്നവരെ ഇക്കാര്യം ബുദ്ധിമുട്ടിക്കാൻ ഇടയുണ്ട്.

25,000 എംആർപിയുമായാണ് റെനോർ BT പവർ ക്യാബ് എത്തിയത്. പക്ഷെ 14,999 രൂപയ്ക്കാണ് ഇപ്പോൾ സ്പീക്കർ വിൽക്കുന്നത്. ഈ വില ഒരിക്കലും പ്രൊഡക്ടിനു അധികമില്ല. ഡിസൈനും പവറും പെർഫോമൻസുമെല്ലാം വെച്ചു നോക്കുമ്പോൾ വിപണിയിൽ ലഭ്യമായിട്ടുള്ള സ്പീക്കറുകളിൽ ഒരു നല്ല ഡീൽ തന്നെയാണ് ഇത്. ഇതേ ഫീച്ചറുകളുള്ള പല വലിയ ബ്രാൻഡുകളുടെയും സ്പീക്കറുകൾക്ക് വില റെനോർ BT പവർ ക്യാബിനെക്കാളും ഒരുപാട് കൂടുതലാണ്.

ചെറിയ ഡാൻസ് സ്റ്റുഡിയോയിലേക്കോ വീട്ടിലേക്കോ ഈ സ്പീക്കർ വാങ്ങിക്കാം. ഇതിനുപുറമെ നല്ല ബാസിൽ പാട്ട് കേൾക്കുന്നവർക്കും പോക്കറ്റ് കാലിയാവാതെ വാങ്ങാനാവുന്ന സ്പീക്കറാണ് റെനോർ BT പവർ ക്യാബ്.